«Դասավանդի՛ր, Հայաստան»-ի շաբաթը սկսվում է մի յուրահատուկ պահով՝ մեր ամբողջական վավերագրական ֆիլմի երկար սպասված պրեմիերայով։ Վերջին 2–3 տարիների ընթացքում Bars Media Studio-ի հետ համատեղ ստեղծված այս ֆիլմը խորությամբ ներկայացնում է մեր շարժման պատմությունը՝ ամբողջությամբ բացահայտելով մեր ազդեցությունը՝ հաղթանակներով և մարտահրավերներով լի՝ ՈՒսուցիչ-առաջնորդների, Շրջանավարտ-դեսպանների, աշակերտների, ծնողների, տնօրենների և թիմի անդամների պատմություններով։
Այս բացման միջոցառումը բացառիկ հնարավորություն է հանդիպելու ֆիլմի ստեղծագործական թիմին ու հերոսներին, լսելու նրանց պատմությունները, կիսվելու կարծիքներով և վերամիավորվելու մեր համայնքի հետ։
Սա պարզապես ֆիլմի ցուցադրություն չէ։ Սա շաբաթը մեկնարկելու լավագույն ձևն է՝ անկեղծության, ոգեշնչման և մեր համատեղ կերտած ճանապարհի նկատմամբ հպարտության մթնոլորտում։